1.2. O LIBRO

Pero falamos da autora porque fixo un libro, si, ese que vas ler ou estás a ler. A parte exterior do libro tamén nos fala do seu contido a través do título e da ilustración.

8. Que che suxire este título?

9. Polo título paréceche que vai ser un libro realista ou de fantasía e ciencia-ficción?

10. E a imaxe, que che suxire?

11. Que se ve en primeiro plano?

12. Como é esa casa? De onde pode ser? Por que?

13. Que significarán eses nomes pintados na fachada da casa?

14. Que se ve de fondo na fotografía? Fíxate ben e identifica algún dos nomes que aparecen escritos nese fondo.

15. Que significa “Fóra de Xogo” aí enriba?

16. Coñeces esta colección? De que a coñeces? Se ves un libro desta colección, que che suxire?

17. Que significan o logo de Xerais e o logo da Fundación Caixa Galicia que hai no canto? 

18. Que é Xerais?

19. Sabes o que é unha fundación? Se non o sabes, búscao nun dicionario ou nunha enciclopedia. Procurade, entre todos, información sobre a Fundación Caixa Galicia.

20. Que pensas despois de leres a contraportada? Cres agora que o libro vai ser como imaxinaches ao ver a portada? Por que?

21. Coñeces a persoa á que está dedicado o libro? De que? Liches algún libro del? Cal?

22. Investigade que significa a expresión “Eppur, si muove!”.

Agora, ímonos achegar ao libro a través doutros aspectos:

FICHA TÉCNICA / TRAXECTORIA DA OBRA

RESUMO / TEMAS E VALORES